最後召集:「2020年傑出學生獎」提名

2020 年 7 月 14 日
請注意!呢個係提名「2020年傑出學生獎」嘅最後召集!邊啲學生先可以拎到呢個獎?山城樹窿uBuddies管理團隊舊年就獲得「2019年傑出學生獎 – 社會服務」,更獲選為社會服務組別嘅「傑出之星」。
 
相信唔少喺山城讀書嘅同學仔都有搵過山城樹窿 uBuddies 傾心事,「樹窿」每次都耐心聆聽,窩心回應。佢哋為同學排憂解困,宣傳精神健康,得獎肯定係實至名歸。佢哋嘅理念係啲咩?一齊睇睇短片,聽聽「樹窿」一班幕後英雄嘅分享喇!
 
其實除咗社會服務,任何中大同學喺創新及發明、體育、藝術或特別貢獻呢啲範疇有傑出表現,都可以報名架!
 
順帶溫提,有興趣為朋輩提供情緒支援同埋推廣心理健康嘅同學仔,就記住密切留意 uBuddies 嘅宣傳喇,佢哋會喺嚟緊 9 月招募新一批 uBuddies!

分類 / 系列:

標籤:

分享: